اناشيد شعبية قديمة

[أسيرة الخيال]

صبــاح\مساء.. الفل والياسمـــين والمانجا

واني افحط في النت شفت لكم كنز من اناشيد شعبيه ايام زمــان ..
وقلت اسدحها لكم هنا ..

ما اطول عليكم اخليكم مع الاناشيد



قرقع قرقع قرقيعان أم قصير والرميضان عطونا الله يعطيكم بيت مكة يوديكم يوديكم

لأهليكم أهاليكم المساكين .....



***


أماه أبغي لقمة **** واللقمة من البرمة

والبرمة من الحطب **** والحطب يبغي قدوم

والقدوم عند الحداد **** والحداد يبغي فلوس

والفلوس عند العروس **** والعروس تبغي رجل

والرجل يبغي أولاد **** والأولاد يبغوا حليب

والحليب عن البقر **** والبقر يبغي حشيش

والحشيش من المطر **** والمطر من عند الله

لا اله إلا الله **** محمد رسول الله

*
****
*

حمامة نودي نودي ... سلمي على سيودي
سيودي راح المكة ...يجيب ثوب العكة
ويحطة في صندوقي .. صندوقي مالة مفتاح
والمفتاح عند الحداد ... والحداد يبغي فلووس
والفلووس عند العروس... والعرووس تبغي رجل
والرجل يبغي اولاد .. والاولاد يبغون حليب
والحليب فعند البقر .. والبقر يبغوون حشيش
والحشيش فوق الجبل .. والجبل يبغي مطر
والمطر من عند الله .. لااله الا الله محمد رسوول الله


*
****
*


زانة زانة زانة

وطه في اللجانة

طواها ماطواها

طواها حبيب رمان

ورمان الوديعة

خنافرها الوسيعة

كل بيت حبة حبة

وتنفتق هل الدبة (مودبتي طبعاً الياهل الي انا يالس اسويها له )

*******

ونقول "شوق شوق يالبطة"

شوق شوق يالبطة

انعل ابوالمحطة

محطة الشويلة

شويلة راحت البر

تيب عيشي لخضر

وتحطه في صواني

صواني بيت خالي

وخالي خلخل الدور

وخلخل دار منصور

ويافاطمة بنت النبي اخدي كتابك وانزلي

على محمد وعلي

بيت حميد احترق

صبوعليه قطرة مرق.


*
****
*

ياسليـسـه دليـنـي ** بالعـنـب والتيـنـي

ان كان ما تدليني ** جتنا بنية من قطر

فيها زعازيع ومطر

*
****
*

عصفوري غني غني ** على جناحك طيرني

وديني للباساتين ** اكل خوخ وآكل تين

فرحني فرحة العيد ** لبسني خاتم جديد

*
****
*

مرجحانة العيد العيد العيد

ودي ابوي ابعيد ابعيد ابعيد

وجيبيه بالسلامة السلامة*
****
*

نام نومة العوافي وتمشي لك حوافي
ووتقنعك برداها وتقول...........ضناها
نام نومة الهنيه نومة الغزلان في البريه

*
****
*

لااله الأ الله صخ البلا بذكر الله
لااله الأ الله تدفع البلا والبلوه
لااله الأ الله صليت عن عوينه تجينا في البيت
لااله الأ الله محضره عن عين رجال ومره

*
****
*

صلوا عليه صلوا عليه أفلح ومن صلى عليه
حتى الغزاله زارته ( أو المناره ) وحتى السبع سلم عليه
صلاة على محمد والسلام على علي نور الهدى محمد وشمس الضحى علي
وياحابين محمد صلوا على الفارس علي
والصلاة على محمد زينه تفسخ الخلق وتبارك إلينا*
****
*

صباحك الصباحي والورد والتفاحي
والرازقي لا لاحي على قصتك مطواحي
صباحك من غبشه ماي الورد في الغرشه
قبل مايجلس الحاكم على زلــــه وفرشه
صباحك صبحته بسون رداي غطيته
والشيخ الأبُيك تدخل الحكام بيته
صباحك النعمُ يزول عنك الألمُ
صباحك صباحين صباح الكحل في العين
صباحك من قال يــايمه قريت اليــوم جزءين
صباح من قال يـــمه أكلت اليوم قرصين



أأأأأأيه الله يرحم زمان اول
اللي عنده اي نشيده شعبيه يشاركنا فيها ويسدحها هنا 136"

[لؤلؤة البحـر]

ايــــــــــــــــــــــــــــه الله يرحم ايام زمـــــــــــــــان
بس طلع غبـــــــــــار من الشاشة
كح كح كح كح

136"

ربي يسلم ايدكِ على الاناشيد العالميه

[اسيرة الماضي]

مشكورة على الاناشيد يا خيتي
وربي يعطيك الف عافية

[دانـ ـ ــة {{ !]

ذكرتيني بالذي مضى ! :D

حليوين والله أناشيد أول 061"

مو ألحين اللي طالعين فيهم
( كان في السيناتي ناتي ... الخ )< خرابيــــــط! notalk

فيه نشيدة أعرفها 040" :
( أقـــــــــرع قرمبــــــع طاح في الطاسة
صـــــــــــرخ عــــلى يمـــبي قرطــــــاسة )< كأنها ناقصة وخربوطية ! :think:

وفيه وحدة ثانية بعد 180" بس نسيت وشو في البداية 115"
بسأل أسرتي العزيزة وبرجع أسدحها هون n9r

.~ أسيرة الخيال ~.
شوووووكرن ع الموضوع التووووووحفة زيش 040"

[أسيرة الخيال]

مشكـــوريـــــن حبايبي على المرور
منــــــوريــــــــن 040"


فيه نشيدة أعرفها 040" :
( أقـــــــــرع قرمبــــــع طاح في الطاسة
صـــــــــــرخ عــــلى يمـــبي قرطــــــاسة )< كأنها ناقصة وخربوطية ! :think:




دانوووو اذكرها هذي كنا دائما نقولها واحنا صغنونين 143"
وعدل مو خربوطـــه بس مااذكر تكملتها ..
واسألي الاسرة العزيزه واسدحي لينا كم انشوده 136"

[~ Tِeّenagْeř giřŁ..!]

حلوين اناشيد أهل الأول

جدتي وأني صغيره قبل لا أنام كانت تقول لي أنشوده ولا قصه

وياحلاوتهم ..

أذكر هذي .. بس مدري عن صحة الكلمات هههههه

يماه أعطيني ودجه أمرخ أيديه ..
ترى دوا البارحه هين عليه..
يابس عليج ياحضرتي من دون الحضور ..
ورحت للماي طمي وصدت حاقول ..
حاقول في من وربع مايقدر يقوم ..
وجيس ربابي في المخابي ورنة حضور..
عريش مقابل للنهر أسمع يابلبول ..

عفر كذا ههههههههه ..
وفي هذي ما اذكرها بدايتها كذا :
يماه جت الفلايه
تبغى رطب وايه
وفيها كله بسبب سلايه
.. عاد يبغى لي اسأل جدتي هههههههه ..
عالعموم .. تسلمي أسوره ع الموضوع الرهيييب .. :lol:

[عاشق فاطمة الزهراء (ع)]

مشكووووووورة اختي أسيرة الخيال على طرحكي الرائع للأناشيد الروعة
وجزيتي عنا من الله كل خير وعافية ولا تحرمينا مواضيعش الحلوة

تحياتي

[غدير]

:yaw:

حلوين مره

تسلمي ياذوق

يعطيك ربي الف عافيه

[أسيرة الخيال]

:h_ttmasha:

الله يعافيــكم ويسلمكم يارب

الذوووق مروركِ غدائــر